ភ្នំពេញ៖ ច្បាប់វិសោធនកម្មច្បាប់បោះឆ្នោតត្រូវបានសភាអនុម័តហើយនៅព្រឹកថ្ងៃទី២៣ ខែមិថុនាឆ្នាំ២០២៣ នេះ ក្នុងសំឡេង ១១១ លើ ១១១ សំឡេង។
ច្បាប់នេះត្រូវបានរដ្ឋមន្ត្រីមហាផ្ទៃ សម្ដេចក្រឡាហោម ស ខេង ឡើងការពារដោយផ្ទាល់នៅក្នុងសភា។
សម្ដេចក្រឡាហោមបានអះអាងថាច្បាប់នេះគឺដើម្បីការពារនៅលទ្ធិប្រជាធិបតេយ្យនៅក្នុងប្រទេស និងមិនបានធ្វើឲ្យប៉ះពាល់ទៅដល់សិទ្ធិបោះឆ្នោតរបស់ពលរដ្ឋនោះទេ។
តំណាងគណៈកម្មការនីតិកម្មនៃរដ្ឋសភាលោកស្រី ក្រួច សំអាន ក៏បានអះអាងផងដែរថាច្បាប់នេះគឺមានលក្ខណៈត្រឹមត្រូវតាមច្បាប់របស់ប្រទេសកម្ពុជានិងស្នើសុំឲ្យសភាអនុម័តយល់ព្រមផងដែរ។
ក្រោយការបោះឆ្នោតច្បាប់នេះគឺនឹងត្រូវបញ្ជូនទៅកាន់ព្រឹទ្ធសភាដើម្បីអនុម័តបន្តទៀត មុននឹងត្រូវបានទូលថ្វាយព្រះមហាក្សត្រឡាយព្រះហស្ថលេខាដាក់ឲ្យប្រើប្រាស់ជាប្រញាប់៕
ព័ត៌មានជាច្រើនទៀតសម្រាប់អ្នក
